आपल्या विद्यालयाच्या गणित शिक्षणाची सुरूवात विद्यालय स्थापनेच्या प्रारंभापासूनच
झाली आहे. विभागाद्वारे प्राथमिक व माध्यमिक शाळांत प्रमाणपत्र परीक्षा अनुषंगाने गणितीय संकल्पनेचे मूलभूत तसेच महत्त्वपूर्ण ज्ञान प्रदान केले जाते.
विभागातील शिक्षक प्रयोगशील आहेत. आमच्या विद्यार्थ्यांनी गणितात सामर्थ्य विकसित करावे आणि तर्क आणि समस्या सोडवणे या दोन्हीमध्ये कौशल्य विकसित करावे अशी आमची इच्छा आहे. आमचा विश्वास आहे की विद्यार्थ्याची तार्किक, तर्कशुद्ध आणि विश्लेषणात्मकपणे जटिल गणित समस्या सोडवण्याची क्षमता विकसित केल्याने, आम्ही आमचे विद्यार्थी केवळ त्यांच्या गणिताच्या वर्गातच नव्हे तर इतर शैक्षणिक क्षेत्रांमध्ये आणि सर्वसाधारणपणे जीवनात यशस्वी होताना पाहू. विद्यार्थ्यांना गणितीयदृष्ट्या सक्षम करणे हे आमचे उद्दिष्ट आहे जेणेकरुन त्यांच्याकडे अन्वेषण करण्याची, अनुमान काढण्याची आणि तर्कशुद्धपणे तर्क करण्याची क्षमता तसेच नियमित नसलेल्या समस्या सोडवण्यासाठी गणितीय पद्धतींचा प्रभावीपणे वापर करण्याची क्षमता असेल. विभाग परिसंवाद क्रियाकलाप, गट चर्चा आणि इतर उपक्रम आयोजित करतो जेणेकरून विद्यार्थी सक्रियपणे आणि मनोरंजकपणे शिकण्याच्या शिक्षण प्रक्रियेत भाग घेतात.
मोजणी, संरचना, अवकाश आणि बदल या संकल्पनांवर आधारित असलेली आणि त्यांचा अभ्यास करणारी गणित ही ज्ञानाची एक शाखा आहे. गणित हे निरपवाद निष्कर्ष काढण्याचे शास्त्र आहे असे विद्वान मानतात. हे प्रतिमानांचे (पॅटर्न) शास्त्र असून संख्या, अवकाश, विज्ञान, संगणक, अमूर्त कल्पना आणि अशाच काही तत्सम विषयांमध्ये गणिताच्या साह्याने प्रतिमाने शोधता येतात. आलेख कॅल्क्युलेटर चा वापर गणिताचा अभ्यास करतना होत.यात एचपी प्राइम चा वापर खुप केला जातो.
नवीन संकल्पना(थिअरी) मांडून तिला, तिच्यातील तथ्ये, मूळवाक्ये आणि व्याख्यांपासून कठोर तर्काद्वारे सिद्ध करण्यासाठी गणिती अशा संकल्पनेचा धांडोळा घेतात.
इतिहास अमूर्तता आणि तर्क यांच्या वापराने मोजणी, आकडेमोड, मापन यांपासून भौतिक जगतातील आकार आणि कृती यांच्या शिस्तबद्ध अभ्यासातून गणितशास्त्र विकसित पावले. गणिताचे ज्ञान व वापर हा नेहेमीच व्यक्ती आणि समाज या दोन्ही पातळींवर जीवनाचा अविभाज्य भाग होता. मूळ कल्पनांचा विकास होतांना प्राचीन भारत, प्राचीन ग्रीस, इजिप्त, मेसोपोटॅमिया, प्राचीन चीन, इत्यादी संस्कृतींमध्ये सापडलेल्या गणितावरील ग्रंथांत दिसून येतो. पाश्चात्य इतिहासलेखकांना गणिताची कठोर तर्कट चालवण्याची पद्धत लिखित स्वरूपात युक्लिडच्या एलिमेंट्स या ग्रंथात सर्वप्रथम मिळाली. सोळाव्या शतकाच्या रेनैसन्स चळवळीच्या काळापर्यंत गणिताचा विकास कमी-अधिक मगदुराने झालेला दिसतो. रेनैसन्स ही एक बौद्धिक चळवळ होती. तिच्यात गणित आणि विज्ञानातील नवीन शोधांची सुयोग्य सांगड यशस्वीरीत्या घालण्यात आली होती. अशा चळवळीमुळे संशोधनाचा वेग वाढण्याचा घटनाक्रम आजवरही अबाधित राहिला आहे.
आज गणित हे विज्ञान, अभियांत्रिकी, औषधशास्त्र, तसेच अर्थशास्त्र आणि समाजशास्त्रासारख्या ज्ञानाच्या विविध शाखांमध्ये जगभर वापरले जाते. या शास्त्रात गणिताचा वापर करणारी गणिताचीच उपयोजित गणित ही शाखा नवीन गणिती शोधांना प्रेरणा देते आणि त्यांचा वापर करते. त्यामुळे ज्ञानाच्या सर्वस्वी नवीन शाखाही उदयास येतांत. कलेसाठी कला या न्यायाने केवळ गणितासाठी गणित अशा ध्येयाने शुद्ध गणिताचा अभ्यास करणारे गणितीही आहेत. अशा शुद्ध गणितातील शोधांचा कालांतराने उपयोजित गणितात वापर कसा करावा त्या पद्धतींचा शोध बहुधा लागतोच.
ऐकूनच गणित विभागात विद्यार्थी अनुभवी शिक्षण घेऊन आपल्या उज्वल भविष्याच्या दिशेने यशस्वी वाटचाल करत आहेत.
धन्यवाद!
श्री.उमेश सुनिल खरात
विभाग प्रमुख
पालवी ज्ञानमंदिर विद्यालय
गणित
पालवी ज्ञानमंदिर प्राथमिक व माध्यमिक विद्यालय मध्ये कुतूहल कोपरा हा नावीन्यपूर्ण उपक्रम 2022 पासून चालू करण्यात आला आहे .सहा जून 2022 ...
No comments:
Post a Comment